Партызанскі раён. Штодзённыя выступленні ў працоўных калектывах
У рамках прафілактычнай работы прадстаўнікі МНС штодзень выступаюць у працоўных калектывах на суб’ектах гаспадарання раёна па пытаннях захавання правілаў пажарнай бяспекі.
На сустрэчах абмяркоўваюцца пытанні бяспекі: выкананне супрацьпажарнага рэжыму ў арганізацыі, парадак дзеянняў у выпадку ўзнікнення розных надзвычайных сітуацый, парадак карыстання першаснымі сродкамі пажаратушэння, адказнасць грамадзян і работнікаў за парушэнне правілаў пажарнай бяспекі.
Работнікі МНС даводзяць статыстычную інфармацыю па гібелі людзей на пажарах у рэспубліцы і сталіцы, расказваюць аб неабходнасці выканання правілаў пажарнай бяспекі ў жыллі, важнасці ўстаноўкі аўтаномнага пажарнага апавяшчальніка, які дае магчымасць выявіць пажар на ранняй стадыі яго развіцця. Інфармуюць прысутных аб асноўных прычынах пажараў у жылым фондзе.
Увагу прысутных звяртаюць і на праблему пакідання малалетніх дзяцей без нагляду, даюць простыя парады аб тым, як навучыць дзіця бяспечным паводзінам. Асобна работнікі МНС спыняюцца і на пытаннях папярэджання пажараў ад выпальвання сухой расліннасці і сельскагаспадарчых палаў.
