Кастрычніцкі раён. З клопатам да старэйшага пакалення
Ужо не першы год у Беларусі праводзіцца прафілактычная акцыя «З клопатам пра бяспеку малой Радзімы», мэтавая аўдыторыя якой з’яўляюцца людзі сталага ўзросту.
У рамках гэтай акцыі з пенсіянерамі праводзяць дыстанцыйна прафілактычныя гутаркі, віктарыны па ведах бяспекі жыццядзейнасці, паўтараюць тэлефоны экстраных службаў, распавядаюць, як сябе паводзіць у выпадку пажару або надзвычайнай сітуацыі і, абавязкова, аб дадатку «МНС: Дапамога побач!».
Кожнаму чалавеку заўсёды прыемна, калі праяўляюць клопат і ўвагу, а пажылым людзям — удвая.
Не ўсе людзі старэйшага ўзросту маюць сучасныя гаджэты, а лісты, ды яшчэ і тэматычныя будуць не толькі прыемнай вестачкай, але і карыснай і пазнавальнай. У канверты з лагатыпам акцыі інспектары ўкладаюць буклеты «Карысныя парады ад МНС», «Неапалімая Купіна» і абавязкова памятку з нумарамі тэлефонаў экстраных службаў. Тым самым атрымаўшы ліст ад МНС, грамадзяне знаёмяцца з інфармацыяй, якую неабходна ведаць і памятаць, знаходзячыся дома, на дачы, на вуліцы, на прыродзе.
